2021 Router 選購全攻略

想買新 Router 又唔知點揀好?Netitgo 特地製作全新 2021 年 Router 選購全攻略,幫大家選擇最適合自己家居的 Router 或 Mesh Wi-Fi!

速度規格、雙頻、三頻 代表咩?

買 Router 第一樣要留意的,就是速度規格,亦即是 N300、AC1900、AX3000 之類。速度規格是由一組字母 + 一組數字組成,例如 AX3000 當中的 AX 就是代表 AX 制式,3000 就是 Wi-Fi 的總速度。點解是「總速度」呢?

Mesh Wi-Fi 跟普通 Router 有乜分別?

大家可能都聽過 Mesh Wi-Fi,到底同傳統 Router 有乜唔同?Mesh Wi-Fi(又會叫做 Wi-Fi System、Whole Home Wi-FI 等等),就是用一套 Router 去取代原本的一部 Router,將 Mesh Wi-Fi 的不同分機,放在家居不同位置發放 Wi-Fi 訊號,從而解決單一 Router 覆蓋範圍不足的問題。

點知自己屋企適合用咩 Router?

心思思想換 Router,即係屋企 Wi-Fi 收得唔夠好啦!為了找出家居的 Wi-Fi 弱點/死角,建議在家中不同位置測試 Wi-Fi 速度,找出要針對性加強嘅地方,建議轉用 Mesh Wi-Fi 去加強覆蓋。

我部手機/電腦支援咩 Wi-Fi 速度?

而家部部手機/手提電腦都有 Wi-Fi,但實際支援到咩制式、咩速度?以下就教大家睇睇自己嘅裝置嘅 Wi-Fi 支援情況啦!

個別裝置是否用得盡 Router 的速度,就要看看裝置支援的 Wi-Fi 制式及速度了。以手機為例,iPhone 11、Galaxy S10 / S20 / Note 10 等新款都支援 AX 制式及最高 1,200Mbps 速度,iPhone 8 / X / Xs 、Galaxy S7 / S8 / S9 / Note 8 / Note 9 則支援 AC 制式及 866Mbps。

手提電腦方面,近幾年推出的手提電腦多數支援 AC 制式,速度則由 433Mbps、866Mbps 到 1,300Mbps 不等,最常見的是 866Mbps,近一年的新機則支援 AX 制式及高達 2,402Mbps 速度。

4800Mbps? 我部電話用得1200Mbps 咋… 點先用得盡 Router 總速度?

既然手機多只支援到 1,200Mbps 速度、手提電腦最多亦只有 2,402Mbps,高階 Router 是否真的用不著呢?

這又關乎另一個技術 – MU-MIMO,代表同一時間 Router 可以與多部裝置同時傳輸,不用一部傳輸完才到下一部。所有 AX Router 均支援 MU-MIMO 技術,AC Router 則只有部分較新款型號支援。

例如 AX6000 Router 的 5GHz 頻譜支援 4,804Mbps 速度(技術規格是 4x4160MHz),可以同時應付兩部手提電腦以 2,402Mbps 傳輸(技術規格是 2×2 160MHz),就可以發揮到 Router 的最強實力了!

即刻睇睇最新 AX Router 啦!

Netitgo 都有 AC Router 供選擇:

仲有更多其他型號

提提你,Netitgo 接受消費券付款,包括:Alipay HK / WeChat Pay HK / 銀聯 / 雲閃付,記得揀 Yedpay 付款方式!

擺邊度好?最佳 Router 擺位教學

屋企 Wi-Fi 收得唔好,未必係 Router 有問題,可能只係 Rotuer 擺位唔好咋!到底 Router / Mesh Wi-Fi 要擺邊度先至好?Netitgo 教你最佳 Router 位置,加強 Wi-Fi 覆蓋範圍!

Router 擺位對 Wi-Fi 覆蓋十分重要,最理想當然是擺放在全屋的中心位置,附近沒有牆身或其他障礙物,就應該足夠覆蓋整間家居了!

不過,理想還理想,現實還現實,試問有邊個屋企可以放 Router 在正中心?絕大多數香港家居,ISP 寬頻入屋線都設於客廳,限制了 Router 只能擺放在客廳,折衷方案是盡量將 Router 放到接近走廊位,避免跟房間直接隔牆。

另外,Router 擺位愈高愈好,可以的話放到書櫃頂或者掛牆放到高位,這樣就可以避開直接障礙物,加強 Wi-Fi 覆蓋表現。

Mesh Wi-Fi 擺位都有講究

好多人對 Mesh Wi-Fi 的擺放位置都有誤解,以為分機要放到原本 Wi-Fi 死角最常見就是廳放一部、房放一部、尾房再放一部,這絕對是錯誤

Mesh Wi-Fi 的分機,應該接收主機(即接駁 ISP 寬頻入屋線那部 Mesh Wi-Fi)覆蓋範圍內、未出現明顯降速的位置,如果家中有長走廊,最佳擺放位置就是在走廊設置分機,而不是本身已經收得差的房內。

即刻睇睇最新 Mesh Wi-Fi 產品啦!

或者睇睇新款 AX Router

仲有更多其他型號

提提你,Netitgo 接受消費券付款,包括:Alipay HK / WeChat Pay HK / 銀聯 / 雲閃付,記得揀 Yedpay 付款方式!